Cadw Ein Plant Yn Ddiogel" Hyfforddiant i'r Person Dynodedig Ar Gyfer Amddiffyn Plant / Welsh Medium Course "Keeping our Children Safe"

This is an advert for a Welsh Medium Course "Keeping our Children Safe" Training for the Designated  Person for Child Protection

At Sylw:  Personau Dynodedig Amddiffyn Plant  Hoffai Plant yng Nghymru dynnu eich sylw at y cwrs hyfforddiant arbenigol hwn i'r rheiny sydd â chyfrifoldeb penodol dros ddiogelu plant.  Dyma'r tro cyntaf i Plant yng Nghymru ddarparu'r cwrs hwn yn uniaith Gymraeg yn arbennig ar gyfer gweithwyr mewn ysgolion ac mewn mudiadau a chyrff amrywiol sydd â chyfrifoldeb am amddiffyn plant.

"Cadw Ein Plant Yn Ddiogel" Hyfforddiant i'r Person Dynodedig Ar Gyfer Amddiffyn Plant

"Cadw Ein Plant Yn Ddiogel" Hyfforddiant i'r Person Dynodedig Ar Gyfer Amddiffyn Plant  Medi 24ain a 25ain 2014, Caerdydd - Ffurflen Archebu     Cwrs Deuddydd       Mae gan bob plentyn yr hawl i fyw eu bywyd heb ddioddef camdriniaeth nac esgeulustod, ond mae digwyddiadau diweddar yn amlygu unwaith eto, pa mor anodd y gall fod i oedolion adnabod, a gweithredu ar sail pryderon ynghylch diogelwch neu les plentyn. Mae Confensiwn y CU ar Hawliau'r Plentyn yn datgan y dylai pob sefydliad sy'n ymwneud â phlant weithio tuag at yr hyn sydd orau i bob plentyn. Mae rôl hanfodol i'r Person Dynodedig ar gyfer Amddiffyn Plant mewn sefydliadau, yn helpu i sicrhau bod mesurau diogelu digonol yn eu lle, a bod y camau angenrheidiol yn cael eu cymryd pan fynegir pryderon ynghylch plentyn. Bydd yr hyfforddiant deuddydd hwn yn ystyried y canlynol: Rôl y Person Dynodedig a sut gellir ymgorffori'r rôl honno yn eich sefydliad Deddfwriaeth a chanllawiau ar ddiogelu plant a phobl ifanc, yn enwedig yn y cyd-destun Cymreig Mesurau diogelu hanfodol y mae angen eu rhoi ar waith 'Camddefnyddio ymddiriedaeth' a sut mae parhau'n effro i droseddau rhywiol posibl o fewn y sefydliad Asesu pryderon am blentyn, a chyfeirio'r achos at y gwasanaethau cymdeithasol os bydd angen Y system amddiffyn plant statudol a'r hyn y gellir ei ddisgwyl gennych Cyfrinachedd a chadw cofnodion da Amrywiaeth a nodweddion ychwanegol sy'n gwneud rhai plant yn arbennig o agored i niwed.  Ynghylch yr Hyfforddwr:   Mae Eleri Griffiths wedi gweithio gyda Plant yng Nghymru ers dros 10 mlynedd ac ar hyn o bryd hi yw Swyddog Datblygu ac Hyfforddi Plant yng Nghymru. Treuliodd Eleri rai blynyddoedd yn gweithio gyda phlant ac oedolion bregus yng Nghymru ac yn Sri Lanka.  Ers bod gyda Plant yng Nghymru mae hi wedi arbennigo yn y maes cefnogaeth i fagu plant (rhianti) ac yn fwy diweddar wedi gweithio yn y maes diogelwch plant ac yn y maes blynyddoedd cynnar.      Bellach mae Eleri yn hyfforddi ymarferwyr o amrywiaeth o wasanaethau, ar ystod eang o faterion, yn cynnwys hawliau plant, ymwybyddiaeth ieithyddol ac amddiffyn plant.   COST: Aelodau £165 Heb fod yn Aelod £195 Mae'r cwrs hwn yn cael ei gynnig fel hyfforddiant mewnol hefyd, am fwy o wybodaeth cysylltwch â Eleri Griffiths .

Os oes gennych ddiddordeb yng nghyrsiau Plant yng Nghymru yn y dyfodol, ewch i'n gwefan neu ymunwch a'n rhestr bostio. **Cofiwch y gallwch fynychu am gyfradd ratach os yw'ch corff chi'n aelod o Plant yng Nghymru. Ymunwch yma**

Hyfforddiant i Ddod: Medi:  17 - Ymlyniad a'i Rol ym Mywydau Plant, Merthyr Tudful 23 - Gweithio'n Gadarnhaol gyda Phlant Awtistig yn y Blynyddoedd Cynnar, Caerdydd Hydref:  1 - Ymlyniad a'i Rol ym Mywydau Plant, Castell-nedd  8 & 9 - Goruchwyliaeth: Model ar gyfer Ymarfer, Rhyl