Cynllun Prentisiaeth Gwersyll Llangrannog 2016 - 17 - Apprenticeship opportunities Gwersyll Llangrannog - dyddiad cau 15/7/16 closing date

URDD GOBAITH Cymru

Cynllun Prentisiaeth Gwersyll Llangrannog

Cyfle gwych i ymuno ag Adran Weithgareddau Gwersyll Llangrannog, i dderbyn hyfforddiant a phrofiadau mewn amryw o weithgareddau'r Gwersyll

Mae Gwersyll Llangrannog yn cynnig cyfle i bobl ifanc ddatblygu sgiliau a derbyn hyfforddiant tuag at ennill cymwysterau cydnabyddedig yn y maes hamdden ac awyr agored. 

Gall y gweithgareddau yma gynnwys sgïo, byrddio eira, dringo, rhaffau uchel, saethyddiaeth, merlota, beiciau modur, nofio, chwaraeon aml gamp a chymorth cyntaf.

Mae’r cynllun dros gyfnod penodol o 12 mis gan gychwyn ym mis Medi 2016.

Telir cydnabyddiaeth fisol ynghyd â darparu llety rhad ac am ddim.

Am sgwrs anffurfiol a manylion pellach cysylltwch ag Iestyn Evans ar

01239 652140 neu Iestyn@urdd.org

Dyddiad Cau: Dydd Gwener 15 Orffennaf 2016

Urdd Gobaith Cymru

Disgrifiad Swydd

Teitl y swydd:	Prentis Gweithgareddau Gwersyll Llangrannog
Yn atebol i:	Rheolwr Gofal Cwsmer a thrwyddo ef i’r Cyfarwyddwr.
Cyflog:       Hyd y cytundeb:	Bydd pecyn ariannol o £500 y mis yn cael ei gynnig bydd yn cynnwys lwfans byw yn ogystal â threfniadau hyfforddiant, llety a chynhaliaeth Bydd y cyfnod hyfforddiant yn para am flwyddyn gan gychwyn ar Fedi 1af 2016 tan 31ain Awst 2017.
Oriau gwaith:	·         35 awr yr wythnos ·         Golyga dyletswyddau’r swydd hon y bydd rhaid gweithio bob yn ail benwythnos ac ar Wyliau’r Banc.  Bydd hawl i 2 ddiwrnod i ffwrdd yn ystod yr wythnos ar ôl gweithio penwythnos a 2 ddiwrnod “in lieu” am weithio Gŵyl y Banc. ·         Oriau gwaith arferol: 9a.m.-5p.m. ·         Bydd un shifft 2p.m.-10p.m. pob tua 6 wythnos. Bydd rhaid gweithio tu allan i’r oriau hyn o bryd i’w gilydd
Lleoliad:	Gwersyll yr Urdd, Llangrannog
Gwyliau blynyddol:	Caniateir 25 niwrnod o wyliau blynyddol ac wyth niwrnod wyliau cyhoeddus - y cyfnodau i'w pennu mewn ymgynghoriad ar Reolwr Cwsmer
Cyfnod prawf:	Bydd cyfnod prawf o 3 mis.
Gwiriad DBS:	Bydd yn ofynnol i'r ymgeisydd llwyddiannus gael ei wirio gan y Swyddfa Cofnodion Troseddol (DBS)
Archwiliad meddygol:	Cedwir yr hawl i ofyn i'r sawl a benodir mynd o dan archwiliad meddygol cyn cynnig y swydd yn ffurfiol.

Dyletswyddau, Gofynion a Hyfforddiant

1.    Disgwylir i ymgeiswyr llwyddiannus gymryd rhan yn yr holl hyfforddiant a gynigir. Anelir at dystysgrifau cenedlaethol:

·         Tystysgrif NVQ Lefel 2 mewn Arwain Gweithgareddau (QCF)

·         Cwrs Arweinwyr Chwaraeon Lefel  2

·         Cwrs Diogelwch Plant

·         Cwrs Cymorth Cyntaf

·         Cwrs Achub Bywyd Pwll Nofio

·         Cwrs Arweinydd Saethyddiaeth

·         Cwrs Hyfforddi Sgïo / Byrddio Eira

·         Cwrs Arweinydd Beiciau Modur

·         Cyrsiau Iechyd a Diogelwch

2.    Er mwyn ennill y tystysgrifau disgwylir i’r ymgeiswyr ymarfer y tu allan i oriau arferol y cynllun. Yn ogystal â’r hyfforddiant uchod rhoddir hyfforddiant mewnol ar holl weithgareddau amrywiol y gwersyll gan gynnwys y wal ddringo, cwrs rhaffau uchel, adeiladu tîm, datrys problemau cyfeiriannu, trampolîn, merlota, ceirt modur, gwibgartio a gweithgareddau nos.

3.    Disgwylir i’r prentisiaid ymgymryd â’r rota staff y Gwersyll sy’n golygu bod ar ddyletswydd ar benwythnosau ac oriau hwyr ac anghymdeithasol. Fe roddir amser ychwanegol i ffwrdd am hyn.

4.    Mae llawer o ddyletswyddau cyffredinol y Gwersyll  yn disgyn i ran aelodau’r Adran Weithgareddau. Bydd y rhain yn cynnwys glanhau a chynnal a chadw gwahanol ardaloedd ac offer o fewn y Gwersyll, llenwi peiriannau bwyd a diod, a rhoi cymorth i adrannau eraill y Gwersyll yn ôl y galw.

5.    Oherwydd natur y Gwersyll, fe fydd rhaid i’r ymgeiswyr ymateb i alwadau a gofynion amrywiol o dro i dro.

6.    Disgwylir i’r ymgeiswyr llwyddiannus fod yn 18 oed, yn rhugl yn y Gymraeg a’r Saesneg, gyda diddordeb mewn plant a phobl ifanc, ac yn meddu ar bersonoliaeth radlon a brwdfrydig.

Os am sgwrs anffurfiol, cysylltwch ag Iestyn Evans, Rheolwr Gofal Cwsmer, Gwersyll Llangrannog ar 01239 652140

Dyddiad cau ar gyfer ceisiadau yw hanner dydd, Dydd Gwener 15 Orffennaf 2016

Dylai ffurflenni cais wedi eu cwblhau cael eu dychwelyd at:

Preifat a Chyfrinachol

Iestyn Evans

Gwersyll yr Urdd

Llangrannog

Llandysul

Ceredigion

SA44 6AE

neu e-bostiwch Iestyn@urdd.org